काठमाडौं – कलाकार दीपकराज गिरीले जेनजी आन्दोलनको समर्थन गर्दा आफूलाई सामाजिक सञ्जाल र फोनमार्फत् धम्की आएको खुलासा गरेका छन् । फोन र सामाजिक सञ्जाल फेसबुकमार्फत् धम्की आएको उनले शुक्रबार बताएका हुन् ।

दीपकका अनुसार उनलाई मंलबारबाट धम्की आउन सुरु भएको हो । ‘जेनजीलाई उकास्ने तँ ? कलाकार भएर जेनजी तिर लाग्ने । एक एक हिसाब राखिन्छ’ भन्दै धम्की आएको उनको दाबी छ ।

यसरी धम्की आएका मेसेज र कल रेकर्ड आफूले सुरक्षित राखेको उनको दाबी छ । व्यक्ति, कुनै पार्टी वा संस्था विशेषबाट धम्की आएकोबारे उनले खुलाएका छैनन् ।

दीपक सुरुवातदेखि नै जेनजी आन्दोलनमा समर्थन गर्दै आएका थिए । उनले आन्दोलनबारे सामाजिक सञ्जालबाटै विभिन्न टिप्पणी सार्वजनिक गरिरेहेका छन् ।

यस धम्कीबाट दीकले ज्यानको असुरक्षासमेत महसुस गरेका छन् । उनले लेखेका छन्, ‘अस्तिको आन्दोलनमा पनि सबै दोषी मात्रै दण्डित भएनन् । कति निर्दोष मान्छेहरु पनि पीडित हुन पुगेको देखेको छु । यदि तपाईंहरुले धम्की दिए जस्तै भयो भने म पनि त्यो सूचीमा थपिनेछु भनेर चित्त बुझाउनुबाहेक मसँग अर्को बिकल्प छैन ।’

उनले शान्तिपूर्ण आन्दोलनको आफूले समर्थन गरेको स्वीकारसमेत गरेका छन् ।

विद्यार्थीहरुले शहादत प्राप्त गरेपछि आफू थप चुप बस्न नसकेको उनको जिकीर छ । उनले लेखेका छन्, ‘दोस्रो दिन जब स्कुल र कलेज जाने साना साना बालकहरुको टाउकोमा गोली लागेर ढलेको तस्बिर देखियो । त्यो देखेपछि को नै चुप लागेर बस्न सक्यो होला र ?’

आन्दोलन हिंसात्मक बनेपछि प्रधानमन्त्रीलाई राजीनामा दिन अन्य कलाकारले जसरी नै आफूले पनि दबाब दिएको उनी भनाइ छ । तर, प्रधानमन्त्रीले ढिला गरेर राजीनामा दिएको विषयमा उनी अझैँ अडिक छन् ।

उनले अगाडि लेखेका छन्, ‘प्रधानमन्त्री ज्यूलाई थप हिंसा रोक्नका लागि राजीनामा दिन अनुरोध पनि ग¥यौं । कति जना त सडकमा नै गयौं । लगभग त्यतिबेला धेरै अभिभावकहरु आफ्नो बच्चा मरेको पीडाबोध गरेर सडकमा आइसकेका थिए । राजीनामा आउन ढिला भइसकेको थियो ।’

दीपकको स्ट्याट्स :