काठमाडौं- जेनजी आन्दोलनको क्रममा जलेका प्रहरी कार्यालयहरूलाई पुन सञ्चालनमा ल्याउन सफाइ कार्य सुरु गरिएको छ ।

स्थानीय युवा र प्रहरी मिलेर जलेका प्रहरी कार्यालयहरूमा सरसफाइ कार्य सुरु गरिएको हो । जेनजी आन्दोलनको क्रममा प्रहरी कार्यालयमा आक्रमण हुँदा अधिकांश भौतिक संरचना जलेर नष्ट भएका छन् भने प्रहरीहरू समेत विस्थापित हुन पुगेका थिए । 

अवस्था सामान्यतर्फ उन्मुख हुँदै गर्दा प्रहरी कार्यालयहरूलाई पुन सञ्चालनमा ल्याउने प्रयास सुरु भएको हो । त्यस्तै उपत्यकाभित्रका प्रहरी वृत्तबाट काम भइरहेको छ । 

काठमाडौं उपत्यकाका रहेका १७ वटा वृत्त मध्ये आन्दोलनका क्रममा प्राय सबै कार्यालयमा आगजनी र तोडफोड भएको थियो ।

केही चौकीमा प्रहरी फर्किदा स्थानीयहरूले स्वागत समेत गरेका छन् ।