काठमाडौं – युभेन्ट्सले युरोपेली च्याम्पियन्स लिग दोस्रो चरण प्रवेशका लागि भएको प्ले अफको पहिलो लेगमा पिएसभीलाई २–१ ले हराएको छ।

घरेलु मैदानमा भएको खेलमा युभेन्टसका लागि खेलको ३४ औँ मिनेटमा वेस्टन म्याककेनी सुरुवाती गोल गरे। लिग चरणमा २० औँ स्थानमा सीमित भएको युभेन्ट्सले सुरुवातदेखि नै आक्रमण खेल प्रदर्शन गरेको थियो।

पिएसभीका लागि ५६ औँ मिनेटमा इभान पर्सीले गोल गर्दै खेल १-१ को बराबरीमा फर्काए। जितका लागि अन्तिम समयसम्म संघर्ष गरेको पिएसभीविरुद्ध युभेन्ट्सका सामुयल एन्गुलाले खेलको ८२ औँ मिनेटमा निर्णायक गोल गरे।

उनी वैकल्पिक खेलाडीको रूपमा मैदानमा प्रवेश गरेका थिए। सामुयलको निर्णायक गोलसँगै युभेन्ट्सले २-१ को जित निकालेको हो।

यी दुई टिमको दोस्रो लेग अर्को साता नेदरल्यान्ड्सस्थित पिएसभीको मैदानमा हुनेछ।