काठमाडौं – १० महिनाअघि बेपत्ता भएका एक जना ताइवानी नागरिक चिनियाँ हिरासतमा रहेको खुलासा भएको छ । ताइवानको चाङहुवा काउन्टीका १९ वर्षीय बासिन्दा हुआङ गत वर्षको मार्च महिनादेखि बेपत्ता थिए ।

ताइपेइ टाइम्सका अनुसार उनलाई कुन अभियोगमा हिरासतमा राखिएको भन्ने स्पष्ट भएको छैन । यद्यपि चीनको शाङ्सी प्रान्तस्थित डाटोङ क्षेत्रमा उनीविरुद्ध ठगीको उजुरी दर्ता गरिएको जनाइएको छ ।

अन्तर्राष्ट्रिय सञ्चार माध्यमका अनुसार चीनमा ताइवानी नागरिक पक्राउ परे यसबारे ताइवानको राष्ट्रिय प्रहरी एजेन्सीलाई औपचारिक जानकारी दिनुपर्ने प्रावधान रहेको छ । तर, हुआङलाई पक्राउ गरेकोबारे चिनियाँ पक्षले ताइवानलाई कुनै जानकारी नदिएको ताइपेई टाइम्सले उल्लेख गरेको छ । चीनमा कानुनी झमेलामा परेका आफ्ना नागरिकको अवस्थाबारे ताइवान सरकारले थप जानकारी प्राप्त गर्ने प्रयास गरिरहेको जनाइएको छ ।