काठमाडौं – भारतीय र्यापरद्वय डिभाइन र नेजीको जीवनमा प्रेरित कथामा बनेको फिल्म ‘गल्ली ब्वाइ’को दोस्रो सिक्वेल बन्ने भएको छ ।
जोया अख्तर निर्देशित ‘गल्ली ब्वाइ’मा रणवीर सिंह र आलिया भट्ट मुख्य भूमिकामा थिए । सन् २०१९ मा प्रदर्शनमा आएको यस फिल्म त्यस वर्षको हिट मध्येमा परेको थियो ।
प्रदर्शनको करिब ६ वर्षपछि बलिउडमा यस फिल्मको सिक्वेल बन्ने चर्चा चलेको भारतीय सञ्चार माध्यम अमर उजालाले दाबी गरेको छ ।
अमर उजालाका अनुसार सिक्वेलमा रणवीर र आलिया नदोहोरिने पक्का छ । सिक्वलको निर्देशन अर्जुन वरेन सिंह गर्ने चर्चा छ ।
सिक्वलमा विक्की कौशल र अनन्या पाण्डेको अभिनय रहने सम्भावना रहेको बताइएको छ ।
प्रतिक्रिया