काठमाडौं- नेकपा एमालेका अध्यक्ष केपी शर्मा ओलीले आफूहरूका विरोधीहरूबारे तिखो टिप्पणी गरेका छन् ।

बिहीबार सम्पादकहरूसँगको अन्तरक्रियाका क्रममा बोल्दै उनले एमालेविरोधीहरूले मनपरी गरे पनि आफूहरू सम्यमसहित अघि बढेको बताए ।

‘एमालेले हेडलाइन बनाउन कुनै कुकुरको खुट्टा टोक्न जाँदैन’, उनले भने, ‘हामी हाम्रो सुरक्षा आफैं गरेर हिँडिरहेका छौँ । हामी जनताको घरको सुरक्षा पनि गर्न तयार छौँ। हामीलाई खबर गर्नुस्, विरोधीहरूले तलमाथि गर्न खोजेमा आफ्नोसहित देशको पनि रक्षा गर्न तयार छौँ।’

उनले प्रधानमन्त्री सुशीला कार्कीलाई हैसियतविनाको व्यक्तिको संज्ञा दिए । ‘हैसियताबिनाको व्यक्तिले विनाविधि र प्रक्रिया अनधिृकतका काम गरेका छन् । असंवैधानिक बाटोबाट आएको व्यक्तिले गरेको असंवैधानिक कदम खारेज हुनुपर्छ । यो सरकार खारेज हुनुपर्छ’, उनले भने, ‘जुन बाटोबाट संसद् विघटन गरिएको हो, त्यहीँबाट फर्काउनुपर्छ । अहिले अदालतमा केस चलेको छ । यसबारेमा अदालतले निर्णय गर्ला ।’