काठमाडौं– नेकपा एमालेको ११औँ राष्ट्रिय महाधिवेशन मूल व्यवस्थापन समितीको बैठक बसिरहेको छ ।

समितिका संयोजक तथा महासचिव शंकर पोखरेलको अध्यक्षतामा पार्टी केन्द्रीय कार्यालय च्यासलमा जारी बैठकमा महाधिवेशनका लागि हालसम्मको तयारी र अब गर्नुपर्ने कामका सन्दर्भमा छलफल भइरहेको छ ।

बैठकमा जनपरिचालनको तयारीका सन्दर्भमा उपमहासचिव प्रदिप ज्ञवालीले रिर्पोटिङ गर्ने प्रचार तथा प्रकाशन विभाग प्रमुख राजेन्द्र गौतमले जानकारी दिए ।

यस्तै, बैठकमा १४ वटै समितिका संयोजकहरूले आआफ्नो तर्फबाट गरिएको तयारीका बारेमा जानकारी गराउँदै छन् ।

एमालेको ११औँ राष्ट्रिय महाधिवेशन यही मंसिर २७ देखि २९ गतेसम्म काठमाडौँमा हुँदैछ । महाधिवेशनको उद्घाटन सत्र भक्तपुरको सल्लाघारी र बन्दसत्र भृकुटीमण्डपमा गर्ने तय छ ।