काठमाडौं– पछिल्लो एक सातामा देशभर १ सय ८२ जना डेंगु संक्रमित थपिएका छन् । विगतका वर्षहरूमा वर्षायाममा धेरै संक्रमण देखिने गरेकोमा यस वर्ष कात्तिकको अन्तिम सातासम्म पनि संक्रमण घटेको छैन । 

इपिडिमियोलोजी तथा रोग नियन्त्रण महाशाखा (इडिसिडी) को तथ्यांक अनुसार पछिल्लो २४ घण्टामा मात्रै २६ जनामा डेंगुको संक्रमण देखिएको छ । यो सँगै नेपालमा डेंगु संक्रमितको संख्या ७ हजार ५ सय १९ पुगेको छ । 

सबैभन्दा धेरै गण्डकी प्रदेशमा १ हजार ९ सय ८ जनामा संक्रमण देखिएको छ भने बागमतीमा १ हजार ८ सय ९५, लुम्बिनीमा १ हजार २ सय ४७, कोशीमा ९ सय ७४, सुदुरपश्चिममा ८ सय २१, कर्णालीमा ५ सय १४ र मधेश प्रदेशमा १ सय ६० जनामा डेंगुको संक्रमण देखिएको छ । 

डेंगु संक्रमणबाट हालसम्म ६ जनाको मृत्यु भएको इडिसिडीले जनाएको छ ।