काठमाडौं– भारतीय सिनेमाका अभिनेता धर्मेन्द्र देवलको अस्पतालमा उपचार भइराखेको छ । ८९ वर्षीय देवलको ब्रीच क्याण्डी अस्पतालमा उपचार भइरहेको परिवारले जनाएको छ ।

श्वासप्रश्वासमा समस्या भएपछि उनलाई सोमबार अस्पतालमा भर्ना गरिएको हो । उनलाई भेन्टिलेटरमा राखेर उपचार गरिएको छ।

शाहरुख खान, सलमान खानसहित बलिउड कलाकार पनि सोमबार राति अबेरसम्म ब्रीच क्यान्डी अस्पताल पुगेका थिए । यसअघि उहाँको विषयमा सार्वजनिक भएको समाचार अफवाह भएको भन्दै परिवारले बताएपछि भारतीय सञ्चारमाध्यमले समाचार सच्याएका छन् ।

उनको मृत्यु भइसकेको भन्दै भारतीय सञ्चार माध्यममा समाचार आएपछि छोरी ईशा देओलले आफ्नो बुबाको स्वास्थ्यको बारे बोलेकी हुन् । उनले लेखेकी छन्, ‘गलत समाचार फैलाइरहेको छ । मेरो बुबाको स्वास्थ्य स्थिर छ, उहाँ निको भइरहनु भएको छ। तपाईँ सबैलाई अनुरोध गर्दछु कि हाम्रो परिवारलाई प्राइभेसी दिनुस् । बुबाको शीघ्र स्वास्थ्यलाभको लागि प्रार्थना गर्नुभएकोमा धन्यवाद ।’

*(यसअघि भारतीय मिडियाको आधारमा छापिएको समाचारमा परिवारले भ्रामक बताएपछि सच्याइएको छ । –सम्पादक)