काठमाडौं– राष्ट्रपति रामचन्द्र पौडेलको स्वास्थ्यमा समस्या देखिएपछि शनिबार दिउँसो त्रिभुवन विश्वविद्यालय अन्तर्गत मनमोहन कार्डियोथोरासिक भास्कुलर तथा ट्रान्सप्लान्ट सेन्टर, महाराजगञ्जमा भर्ना गरिएको छ ।
राष्ट्रपतिलाई भर्ना गरिएपछि सेन्टरले जारी गरेको विज्ञप्तिअनुसार अवस्था सामान्य छ । अहिले स्वास्थ्य परीक्षण भइरहेको छ, हाल उनको स्वास्थ्य अवस्था सामान्य रहेको अस्पतालले जानकारी दिएको छ ।
उपचार प्रक्रियाबारे जानकारी दिँदै सेन्टरका कार्यकारी निर्देशक प्रा. डा. रत्न मणि गजुरेलले राष्ट्रपति पौडेलको अवस्था स्थीर रहेको जनाएका छन् । अहिले उनको चिकित्सकको निगरानीमा नियमित परीक्षण भइरहेको गजुरेलले बताए ।
प्रतिक्रिया