काठमाडौं– गाईजात्राको भोलिपल्ट मनाइने मतयाः पर्व सोमबार ललितपुरको पाटनमा मनाइएको छ ।
यस पर्वमा दिवंगत आफन्तको सम्झनामा बौद्ध विहार तथा चैत्यमा दीप प्रज्वलन गर्ने र हातमा दीप लिएर नगर परिक्रमा गर्ने चलन छ । यसो गर्नाले वर्ष दिनभित्र मृत्यु भएका पितृले स्वर्गमा बास पाउने धार्मिक विश्वास छ ।
जात्राका क्रममा ललितपरका चार अशोक स्तूपासहित हरेक टोलमा रहेका बौद्ध विहार तथा चैत्यमा दीप प्रज्वलन गरिन्छ । यात्राका क्रममा सहभागी भक्तजनलाई विभिन्न स्थानमा फलफूल, रोटी, अन्न दानसमेत गर्ने परम्परा छ ।
राजा बालार्चन देवले जेष्ठवर्ण महाविहार स्थापना गरेको अवसरमा ललितपुरको पाटन क्षेत्रमा मतयाः पर्वको परम्परा थालेको संस्कृतिविद्हरुको भनाइ छ ।
प्रतिक्रिया