काठमाडौं– ब्रम्हपुत्र नदीको उत्तरी किनारमा हाइड्रोकार्बनको नमूना फेला परेको छ । आयल इण्डियाका अध्यक्ष तथा कार्यकारी निर्देशक रञ्जित रथले ब्रम्हपुत्र नदीको उत्तरी किनारामा हाइड्रोकार्बन पहिचान गरिएको जानकारी दिएका हुन् ।

गुवाहाटीमा पत्रकारसँग कुरा गर्दै उनले आयल इण्डियाले निकै सूक्ष्म र रणनीतिक रुपमा गरेको खोजीपछि हाइड्रोकार्बन पत्ता लागेको बताए । उनले कबोचपुरी नामक गरेको ठाउँमा उक्त पदार्थ फेला पारिएको पनि जानकारी दिए ।

व्यवसायिक उत्खननको सम्भाव्यताबारे भने अझै अध्ययन आवश्यक रहेको उनको भनाइ छ । कति परिमाणमा हाइड्रोकार्बन फेला परेको हो भन्ने पनि अझै स्पष्ट नभएको उनले उल्लेख गरे ।

भारतीय आर्थिक अनलाइ इकोनोमिक टाइम्सका अनुसार उनले थप अध्ययनका लागि नयाँ कुवा खन्ने तयारी भइरहेको पनि बताए । उनले पूर्वोत्तर भारतका विभिन्न स्थानमा रहेका खनिज पदार्थबारे अध्ययन पनि भइरहेको जानकारी दिए ।