पोखरा– नेपाल प्रेस युनियनले गरेको लोमान्थाङ अन्तर्राष्ट्रिय मिडिया समिटका क्रममा इजरायल–प्यालेस्टाइन युद्धमा ज्यान गुमाएका पत्रकारप्रति दुःख प्रकट गर्दै शोक व्यक्त गरिएको छ ।

मिडिया समिटअन्तर्गत पोखरामा आइतबार आयोजित दोस्रो दिनको सत्र उद्‌घाटन समारोहमा युद्धको रिपोर्टिङका क्रममा गाजा क्षेत्रमा मारिएका पत्रकारहरुको निधनप्रति शोक व्यक्त गरिएको हो ।

‘इन्टर नेशनल फेडेरेसन अफ जर्नालिजम’ (आईएफजे)की उपाध्यक्ष सविना इन्दरजीतका अनुसार इजरायल–प्यालेस्टाइन युद्धमा गाजा क्षेत्रमा १३० जना पत्रकारको निधन भइसकेको छ ।

उद्‌घाटन समारोहमा शुभकामना मन्तव्य राख्ने क्रममा उनले गाजामा मारिएका पत्रकारहरू प्रति शोक व्यक्त गर्नका लागि समिटमा उपस्थित सबैलाई ३० सेकेन्ड मौन धारणका लागि आग्रह गरेकी थिइन् ।