काठमाडौं – उपाधिको टुङ्गो लागि सकेको इङ्लिस प्रिमियर सिपमा शीर्ष पाँचका लागि भिडन्त जारी छ। यस सिजनका केही केही खेल मात्र बाँकी रहेको समयमा दोस्रोदेखि पाँचौँ स्थानका लागि ६ टोलीको भिडन्त हुनेछ।

शीर्ष पाँच टोलीले च्याम्पियन्स लिगमा सहभागिताको अवसर पाउने छन्। तेस्रो स्थानमा रहेको म्यानचेस्टर सिटीले शनिवार राति भएको खेलमा साउथहम्टनसँग गोल रहित बराबरी गरेको छ।

शनिबारका अन्य खेलमा एभरटनले फुलहामलाई ३-१ ले तथा ब्रेन्टफोर्डले इप्सविचलाई १-० ले हराए। ब्रिङटनले उल्भ्ससँगको खेलमा २-० को सफलता पायो। यसैगरी, अस्टनभिल्लाले एएफसी बोर्न माउथलाई १-० ले हरायो।

उपाधि जिती सकेको लिभरपुलको ८२, दोस्रो स्थानको आर्सनलको ६७ तथा म्यानचेस्टर सिटीका ६५ अङ्क छ। न्यु क्यासल, चेल्सी र अस्टनभिल्लाको ६३ अङ्क छ। नटिङघम फरेस्टको ६१ अङ्क छ।