काठमाडौं – नेपाल सुपर लिग (एनएसएल) फुटबल प्रतियोगिताअन्तर्गत आज भएको खेलमा धनगढी एफसीले जित निकालेको छ । दशरथ रङ्गशालामा सम्पन्न खेलमा काठमाडौँ रेजर्स एफसीलाई ३–१ गोलअन्तरले हराउँदै धनगढीले जित हात पारेको हो ।
खेलको २२औँ मिनेटमा अमाडो डिओपले गोल गर्दै काठमाडौँलाई अग्रता दिलाएका थिए । तर धनगढीका अहमद हिजाजीले खेलकोे ३५औँ मिनेटमा गोल गर्दै खेललाई बराबरीमा ल्याए । धनगढीका लागि हिजाजीले ४१औँ र ४७औँ मिनेटमा गोल गर्दै ह्याट्रिक पूरा गरेका थिए ।
जितसँगै आठ अङ्कका साथ धनगढी तालिकाकोे शीर्ष स्थानमा उक्लिएको छ भने काठमाडौँ पाँच अङ्कसहित चौथो स्थानमा छ ।
प्रतिक्रिया