काठमाडौं – ताइवानको पर्यटन प्रवद्र्धन निकायले वर्ष सन् २०२५ मा अघिल्लो वर्षको तुलनामा भारतीय पर्यटकको आगमन २० प्रतिशतले वृद्धि हुने जनाएको छ । ताइवान पर्यटन प्रशासन (टीटीए)का अनुसार सन् २०२४ मा ३८ हजार भारतीय पर्यटकले ताइवानको भ्रमण गरेका थिए ।

वर्ष सन् २०२५ मा भने भारतीय पर्यटकको सङ्ख्या २० प्रतिशतले वृद्धि हुने अपेक्षा गरिएको टीटीएले जनाएको छ । यस वर्ष ताइवानमा कुल ७५ लाख पर्यटकले भ्रमण गर्ने टीटीएको सिंगापुर कार्यालयका निर्देशक पउल सिहले जनाएका छन् ।

ट्राभल ट्रेड जर्नलका अनुसार उनले ताइवान भ्रमण गर्न आह्वान गर्दै भारतमा विभिन्न कार्यक्रमहरु सञ्चालन गरिरहेको समेत उल्लेख गरेका छन् । भारतीय पर्यटकलाई ताइवान भ्रमण गर्न प्रोत्साहन गर्नका लागि हवाई सेवा कम्पनी, टुर कम्पनीजस्ता संस्थाहरुसँग पनि सहकार्य भइरहेको जनाइएको छ ।