सुर्खेत– राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले कर तिर्न पनि घुस खुवाउनुपर्ने अवस्था आएकाले यी दलहरूकै कारण संसारकै भ्रष्ट मुलुक बनेको आरोप लगाएका छन् । 

मंगलबार वीरेन्द्रनगरमा आयोजित खबरदारी सभामा बोल्दै उनले ३५ वर्षसम्म नबनेको देश केपी, देउवालाई अब बाँचुन्जेल जिम्मा दिए पनि बन्न नसक्ने लिङ्देनले बताएका हुन् ।

‘यिनीहरूले देशमा गणतन्त्रको नाममा लुटतन्त्र मच्चाइरहेकोको लिङ्देनले बताए । ‘केपी शर्मा ओली, शेरबहादुर देउवाहरूकै कारण देश बरबाद बनेको हो,’ उनले भने‘उनीहरूकै कारण देश दुर्घटनामा जान थालेकाले बचाउनका लागि राजसंस्था अपरिहार्य रहेको हो ।’

‘अब अभिभावकका रूपमा राजसंस्था आवश्यक बनेको उनले बताए । ‘अहिले जुन अवस्थाबाट हामी गुज्रेका छौँ,’ उनले भने,‘यसबाट देश बन्ने कुनै कल्पना गर्न सकिन्न । त्यसैले अब सोच्ने बेला आयो ‌।’