काठमाडौं – लखनाउ सुपर जायन्ट्सका फास्ट बलर मायंक यादवले आइपीएल गुमाउने भएका छन्। गत अक्टोबरमा बंगलादेशसँगको खेलमा टी-२० डेब्यु गरेका उनी त्यसपछि ढाडको चोटले ग्रसित छन्। भारतीय क्रिकट बोर्डले उनी खेलमा फर्कने मिति बताएको छैन।

उनको अनुपस्थिति लखनउका लागि ठूलो धक्का हो। उनी ११ करोड भारतीय रुपियाँमा टोलीमा आवद्ध भएका थिए। सन् २०२४ मा उनी २० लाख भारतीय रुपियाँमा नै सो टोलीमा भित्रिएका हुन्।

१५० किलोमिर प्रतिघन्टाको दरले लगातार बलिङ गर्नसक्ने उनी आइपिएलको सुरुवाती दुई खेलमा नै म्यान अफ द म्याच भएका थिए।

२०२४ को आइपिएलमा उनले चोटका कारण चार खेल मात्र खेलेका थिए। त्यसपछि बंगलादेशसँगको खेलमा भारतीय टोलीमा आवद्ध गराइएका उनले फेरि चोट बाकेका थिए।

गत फेब्रुअरीमा लखनाउका टिम निर्देशक जाहिर खानले मायंक खेलमा फर्कने बारेमा बिसिसिआईसँग सम्पर्क भइरहेको बताएका थिए।