काठमाडौं- नेकपा एमालेनिकट राष्ट्रिय युवासंघ नेपालका नेताहरूले ऊर्जा तथा भौतिक मन्त्री कुलमान घिसिङलाई भेटेका छन् ।

संघका इन्चार्ज राजीव पहारी र अध्यक्ष क्षितिज थेबे नेतृत्वको टोलीले बुधबार सिंहदरबारमा भौतिक पूर्वाधार तथा यातायात मन्त्री कुलमान घिसिङसँग भेटेका हुन् ।

भेटका क्रममा युवा संघका नेताहरू मङ्सिर २७ गते एमालेको महाधिवेशन उद्घाटन कार्यक्रम हुने भएकाले त्यस अवधिमा सञ्चालन भइरहेका निर्माण तथा सडकसम्बन्धी कामले कार्यक्रममा असर नपर्ने गरी व्यवस्था मिलाउन आग्रह गरे ।

मन्त्री घिसिङले मुलिङ सडक खण्डमा दैनिक ५–६ घण्टा हुने अवरोधलाई ध्यानमा राख्दै आगामी २६, २७ र २८ गते काठमाडौँ प्रवेश सहज बनाउन विशेष व्यवस्था मिलाइने जवाफ दिए ।