काठमाडौं– बुधबार नेपाल स्टक एक्सचेञ्ज (नेप्से) ५.०३ अंकले घटेको छ । आज नेप्सेमा ३ अर्ब ७३ करोड ८७ लाख ७२ हजार रुपैयाँको कारोबार हुँदा नेप्से घटेर २६०९.०३ बिन्दुमा पुगेको हो ।
नेप्सेमा झिनो गिरावट आउँदा आज कारोबार भएका अधिकांश अर्थात् १६९ वटा कम्पनीको सेयर मूल्य गिरावट आयो भने ८० वटा कम्पनीको सेयर मूल्य बढ्यो । तर, आज ९ वटा कम्पनीको सेयर मूल्य भने स्थिर रहेको छ ।
आज नेप्सेमा स्वस्तिक लघुवित्त वित्तीय संस्थाको सेयर बिक्री गर्नेले सबैभन्दा धेरै नाफा कमाए भने झापा इनर्जी लिमिटेडको सेयर बिक्री गर्नेले सबैभन्दा धेरै गुमाए ।
आज नेप्सेमा झिनो अंकले गिरावट आउँदा म्युचुअल फन्ड बाहेक सबै समूहको उपसूचक भने राताम्य बन्न पुग्यो ।
प्रतिक्रिया