कैलाली– कैलालीको टीकापुर नगरपालिकामा शिलान्यास भएको चार वर्षपछि ‘इन्डोर गेम्स’ सञ्चालन गर्न कभर्ड हल निर्माण सुरु गरिएको छ ।
स्थानीय वीरेन्द्र विद्या मन्दिरको खेल मैदानमा दुई करोड ६४ लाख ५० हजारको लागतमा कभर्ड हल निर्माण प्रारम्भ भएको हो ।
एक हजार दर्शक क्षमताको ६६ मिटर लामो, ३१ मिटर चौडा र ९.७५ मिटर अग्लो बहुद्देश्यीय कभर्ड हल निर्माण गर्न लागिएको नगरपालिकाका इन्जिनियर राजेन्द्र रावलले बताए ।
आगामी भदौभित्र निर्माण सम्पन्न गर्ने लक्ष्यका साथ धमाधम निर्माण जारी छ ।
निर्माण पूरा भएपछि हल व्यवस्थापनको जिम्मेवारी विद्यालयलाई दिइने इन्जिनियर रावलले बताए ।
प्रतिक्रिया