काठमाडौं- सात हजार रुपैयाँ घुस लिएको अभियोगमा दीपक पौडेल दोषी ठहर भएका छन्। सोमबार विशेष अदालतका न्यायाधीशहरू सुदर्शनदेव भट्ट, नारायणप्रसाद पौडेल र विदुर कोइरालाको संयुक्त इजलासले पौडेललाई एक महिना कैद र सात हजार रुपैयाँ जरिवाना गर्ने फैसला सुनाएको हो।
अदालतले पौडेललाई भ्रष्टाचार निवारण ऐन, २०५९ को दफा ३(१) बमोजिम कसुरदार ठहर गरेको हो।
पौडेलले अख्तियार र अदालतमा दिएको बयान, उजुरीको विवरण, उजुरकर्ताको बकपत्र, बरामद रकम र उनीहरूबीचको फोन संवादजस्ता प्रमाणका आधारमा अदालत दोषी ठहर गरेको फैसलामा उल्लेख छ।
अदालतले पौडेलबाट ‘अपराध पीडित संरक्षण ऐन, २०७५’ बमोजिम पीडित राहत कोषमा २८० जम्मा गराउनसमेत आदेश दिएको छ।
प्रतिक्रिया