काठमाडौं- चार वर्षपछि नेकपा एमालेमा फर्किएकी नेतृ रामकुमारी झाँक्रीले जेन-जी आन्दोलनपछि डरले घरमा लुकेकाहरू एमाले नेताहरूको आँटपछि घरबाट निस्किएको बताएकी छन् ।

सोमबार राष्ट्रिय सभागृहमा भएको ‘घर फर्क’ अभियानलाई सम्बोधनका क्रममा उनले यस्तो बताएकी हुन् ।

‘जेन-जी आन्दोलनपछि डर त्रासले मानिसहरू घरबाट निस्किन सक्नु भएको थिएन । एमाले नेताहरूको आँटले सबैजना घरबाट निस्किन सके’, उनले भने, ‘जेन-जीहरूको विध्वंश र आगजनीले आतंक मच्चाइएको थियो । तर एमालेका केही नेताको आँटले त्यो आतंकको डर हट्यो ।’

उनले जेन-जीहरूले पार्टी बनाउन गरिरहेको प्रयासलाई लिएकोबारे पनि टिप्पणी गरिन् । ‘जेन-जीहरूले कतिवटा पार्टी बनाउँछन् ? पार्टी नबनाउने भए आउनुस् एमालेमा आउनुस्’, उनले भनिन्, ‘एमालेमा आउनुस् तपाईंहरूका लागि चारै ढोका खुल्ला छन् ।’