काठमाडौं– गणेशमान सिंह तथा सहिद स्मृति शान्ति प्रतिष्ठानले पूर्व राष्ट्रपति डा. रामवरण यादवको प्रमुख आतिथ्यतामा सर्वमान्य नेता गणेशमान सिंहको जन्म जयन्ती मनाएको छ । 

शान्ति वाटिका आयोजित कार्यक्रममा लोकतान्त्रिक आन्दोलनका योद्धा वरिष्ठ पत्रकार विष्णु निस्ठुरीलाई जनआन्दोलन स्वर्ण पदकबाट विभूषित गरिएको थियो ।

विसं २०४६ को जनआन्दोलन सफल भएपछि तत्कालीन राजा वीरेन्द्रले प्रधानमन्त्री बन्न गरेको प्रस्तावमा गणेशमानले आफ्ना समकक्षी नेता कृष्णप्रसाद भट्टराईलाई अघि सार्दै नेपाली राजनीतिमा त्यागको उच्च नमूना प्रस्तुत गरेका थिए । 

विसं १९७२ कात्तिक २४ गते काठमाडौँको क्षेत्रपाटीमा जन्मिएका नेता सिंहको विसं २०५४ असोज २ गते निधन भएको हो । 

तस्बिरहरू : नेपाल फोटो लाइब्रेरी