काठमाडौं– विशेषगरी आउटडोर प्रयोजनको लागि लाइट अफ-रोड इलेक्ट्रिक एसयुभिको रूपमा प्रस्तुत गरिएको जेइको ५ बिइभिले, नयाँ प्रविधि र विशेषताहरूमार्फत इलेक्ट्रिक अफ–रोडिङको क्षेत्रमा नयाँ मापदण्ड तय गरेको छ । 

यसको मुख्य आकर्षण भनेको ‘सबै परिस्थितिको लागि बनाइएका’ अत्याधुनिक विशेषता रहेको कम्पनीको दाबी छ । कम्पनीका अनुसार छ वटा ‘एआरडिआइएस अल-टरेन मोड’ हरूको सुविधा रहेको यो एसयुभिले सडकका विभिन्न चुनौतीपूर्ण अवस्थालाई पार गर्न मद्दत गर्दछ । 

कम्पनीद्वारा जारी विज्ञप्ति अनुसार यो एसयुभिमा आउटडोरमा यात्रा गर्दा मान्छेमात्र होइन पाल्तु जनावरको पनि सुविधामा पनि ध्यान पुर्‍याइएको छ । जसअन्तर्गत श्रेणीकै उत्कृष्ट ‘पेट–फ्रेन्ड्लि इकोसिस्टम’ प्रस्तुत गरिएको छ, जसले पाल्तु जनावर(पेट्स)को खाना, आराम र यात्रासँग सम्बन्धित आवश्यकताहरू घरमा जस्तै सजिलै पूरा गर्दछ ।