काठमाडौं – फिल्म ‘जेरी अन टप’को ट्रेलर रिलिज कार्यक्रममा नायक अनमोल केसीको खोजी भएको छ । आफ्नो शीर्ष भूमिका रहेको फिल्मको ट्रेलर रिलिज कार्यक्रममा अनुपस्थित भएपछि उनको खोजी भएको हो ।

‘जेरी अन टप’को ट्रेलर सार्वजनिक कार्यक्रम शुक्रबार ललिपुरस्थित एक फिल्म हलमा राखिएको थियो ।

फिल्मका दुई नायिका जसिता गुरुङ र आँचल शर्मा भने कार्यक्रममा उपस्थिति भएका थिए । फिल्का कलाकारसमेत रहेका अनमोलका बुवा नायक भुवन केसी पनि कार्यक्रममा पुगेका थिए ।

भुवनले कार्यक्रममा अनमोलको अनुपस्थितिको कारणबारे बताएका थिए ।

भुवनका अनुसार अनमोललाई ज्वरो आएको छ । उनले भने, ‘अनमोललाई बिहीबार अस्पताल पनि लगिएको थियो । अझै ज्वरो घटेको छैन ।’

‘जेरी अन टप’को ट्रेल शुक्रबार २ बजे युट्युबमार्फत् सार्वजनिक हुने बताइएको छ ।