काठमाडौँ – नेपाली सेनाले जेन-जी नेतृत्वको आन्दोलनका क्रममा सुरक्षाकर्मीबाट लुटिएका र फेला परेका हातहतियार, गोलीगट्ठा र सुरक्षा सामग्रीहरू तत्काल बुझाउन अनुरोध गरेको छ ।

त्यस्ता सुरक्षा सामग्रीहरू नजिकको सुरक्षा निकाय वा सुरक्षाकर्मीलाई यथाशीघ्र बुझाउन सेनाले आग्रह गरेको हो । उक्त हातहतियार र गोलीगठ्ठा नबुझाई कसैसँग फेला परेमा प्रचलित कानून बमोजिम कारवाही हुने चेतावनी समेत दिएको छ ।

त्यस्ता हातहतियारहरुको दुरुपयोग भई जनधनको क्षति हुनसक्नेमा पनि सेनाले सचेत गराएको छ । लुटिएका र फेला परेका हातहतियारसम्बन्धी सूचना प्राप्त गर्ने व्यक्तिहरूले सुरक्षा निकायलाई जानकारी गराउन र सम्बन्धितलाई हतियार बुझाउन प्रेरित गर्न पनि सेनाले अनुरोध गरेको छ ।

संवेदनशील परिस्थिति भएकाले सुरक्षा निकायका पोशाकहरुको अनाधिकृत प्रयोग पनि सेनाको अनुरोध छ ।

सोमबार सुरु भएको जेन-जी प्रदर्शनमा सरकारले निर्मम दमन गर्दा ठूलो सङ्ख्यामा हताहती भएपछि मङ्गलबारको प्रदर्शन क्रममा आन्दोलनकारीहरूले प्रहरीहरूको हतियारसमेत कब्जा गरेका थिए ।