काठमाडौं- नेपाली कांग्रेसका नेता डा. शेखर कोइराला समूहका नेताहरूको बैठक बिहीबार बसेको छ ।
पार्टी संस्थापन पक्षले गरेको अनुशासनको कारबाही प्रतिशोधपूर्ण भएको निष्कर्ष बैठकले निकालेको छ ।
कोइरालाको सम्पर्क कार्यालय बालुवाटारमा बिहीबार बिहान बसेको बैठकले बैठकले आनन्दप्रसाद ढुङ्गाना संयोजक रहेको केन्द्रीय अनुशासन समितिले गरेको कारबाहीको राजनीतिक प्रतिरोध गर्ने निर्णय गरेको छ ।
यो बैठकमा कांग्रेसबाट निकालिएका खोटाङ जिल्ला सभापति विष्णुकुमार राई, खेलकुद मन्त्री तेजुलाल चौधरी, नेता गुरु घिमिरे, बलबहादुर केसी पनि सहभागी थिए ।
त्यसैगरि सांसदहरू राजेन्द्र बजगाईं र सञ्जय गौतम पनि बैठकमा देखिए । कांग्रेस उपसभापति धनराज गुरुङ पनि यो बैठकमा सहभागी थिए ।
प्रतिक्रिया