काठमाडौँ – आईसीसी एकदिवसीय क्रिकेट विश्वकप लिग–२ अन्तर्गत मंगलबार भइरहेको खेलमा नेपालका बलर ललित राजवंशीले नेदरल्याण्ड्सको पाँचौँ विकेट लिएका छन् । जारी खेलमा ललितले लिएको यो दोस्रो विकेट हो ।
३०.१ ओभरमा ललितले स्कट इडवार्डलाई पेभेलियन फर्काउँदै नेदरल्याण्ड्सको पाँचौँ विकेट लिएका हुन् । यो समाचार तयार पार्दासम्म ३१ ओभरको खेल सकिँदा नेदरल्याण्ड्सले पाँच विकेटको क्षतिमा १३२ रन जोडेको छ ।
हालसम्म नेपालका लागि लामिछानेले दुई, ललितले दुई र नन्दन यादवले एक विकेट लिएका छन् । स्कटल्याण्डको डण्डीमा टस हारेर ब्याटिङमा गएको नेपालले दिएको २३७ रन चुनौती भेट्न नेदरल्याण्ड्सले ब्याटिङ गरिरहेको छ ।
प्रतिक्रिया