इस्लामावाद– पाकिस्तानमा हिंसात्मक घटना बढ्दै गएको पाइएको छ । पाकिस्तानको दक्षिण वजिरिस्तान क्षेत्रमा अज्ञात हतियारधारीले दुई वटा सवारी साधनमा आगो लगाएका छन् ।
दक्षिणी वजिरिस्तानको वीरमाल क्षेत्रमा पर्ने वाना–आजम वारसाक सडकखण्डमा ती हतियारधारीले सवारी साधनमा आगजनी गरेको पाकिस्तानबाट प्रकाशित हुने डन अखबारले जनाएको छ । त्यसबाहेक उनीहरुले अन्धाधुन्द गोली प्रहार गरेका थिए ।
घटनापछि स्थानीय आतंकित भएका छन् । घटनाबारे अनुसन्धान अघि बढाइएको प्रहरीले जनाएको छ ।
घटना गर्नुको उद्देश्य अझै स्पष्ट भइनसकेको समाचारमा उल्लेख गरिएको छ । घटनाको जिम्मेवारी पनि हालसम्म कुनै समूहले लिएको छैन ।
प्रतिक्रिया