काठमाडौं- आईसीसी एकदिवसीय क्रिकेट विश्वकप लिग–२ अन्तर्गत मंगलबार भइरहेको खेलमा पहिले ब्याटिङ गरको नेपालले नेदरल्यान्ड्सलाई १० पेनाल्टी रन दिनुपरेको छ।

नेदरल्याण्ड्सविरुद्ध मौका पाएका ब्याटर बसिर अहमदले पटक पटक नियम मिचेपछि म्याच अम्पायरले नेदरल्याड्सलाई २ पटक गरेर ५–५ गरी १० पेनाल्टी रन दिएका हुन् । इन्टरनेशनल क्रिकेट क्राउन्सिल(आइसिसी)ले पिचमा कुद्नुलाई गम्भीर नियम उल्लंघन भनेको छ ।

सातौँ क्रममा आएका नेपाली ब्याटर बासिर अहमद पटक–पटक पिचमा कुदेपछि कारबाही गरे अम्यायरे विपक्षी टोली नेदरल्याण्ड्सको खातामा १० पेनाल्टी रन दिएका हुन् ।

जारी सिरिजमा पहिलो खेलका लागि अवसर पाएका खेलेका बसिरले २५ बलको सामना गर्दै ११ रन बनाउँद १० पेनाल्टी रन दिए ।

बसिरको गल्तीले नेपाललाई १० रन घाटा लाग्दा नेदरल्याण्ड्सको स्कोर अब १० बाट गणना हुनेछ । सिरिजको अन्तिम खेलमा पहिले ब्याटिङ रोजेको नेपालले कमजोर प्रदर्शन गरेको छ ।

टस हारेर पहिले ब्याटिङको निम्तो पाएको नेपालले ताजा अवस्थामा ४५ ओभर खेल्दै २०३ रन बनाएको छ । नेपालले ६ विकेट गुमाइसकेको छ। नेपालका लागि नटआउट रहेका आरिफ शेखले ६४ रन बनाइसकेका छन् ।