सुर्खेत– सुर्खेतको वीरेन्द्रनगर नगरपालिकाका निजी तथा आवासीय विद्यालयले तीन दिन गर्मी बिदा दिएका छन् । निजी तथा आवासीय विद्यालय अर्गनाइजेशन नेपाल (प्वाव्सन)ले तीन दिन गर्मी बिदा निर्णय गरेको हो ।

अत्याधिक गर्मी बढेको कारणले बालबालिकामा देखिएका स्वास्थ्य समस्या, टाउको दुख्ने, बेहोस हुने, डी डिहाइड्रेसन हुने र पसिना बग्ने जस्ता समस्या भएकोले जेठ २८ गतेदेखि ३० गतेसम्म बिदा दिने निर्णय भएको प्वाव्सन अध्यक्ष पुरणबहादुर भण्डारी भण्डारी बताए । 

‘विभिन्न विद्यालयबाट आएको फोनको सुझावलाई संकलन गरी आज जुम बैठकको निर्णय अनुसार ३ दिन गर्मी बिदा गर्ने निर्णय भएको छ,’ उनले भने, ‘बुधबारदेखि शुक्रबारसम्म विद्यालय बिदा लागू हुने छ ।