काठमाडौं – युरोपेली देशको विश्वकप छनोट अन्तरगत सोमबार राति भएको खेलमा नर्वेले इस्टोनियालाई १-० ले हरायो। नर्वेका लागि एर्लिङ हलान्डले निर्णायक गोल गरे। चालु विश्वकप छनोटमा हलान्डको यो चौथो गोल हो।

जितसहित नर्वे १२ अङ्कसहित समूहको शीर्ष स्थानमा छ। सोही समूहको अर्को खेलमा इटालीले माल्डोभालाई २-० ले हरायो।

प्रशिक्षक लुसियाना स्पालेटीको अन्तिम खेलमा इटालीका लागि ४० औँ मिनेटमा जियाकोरी रासपाडोरीले गोल गरेका थिए।

दोस्रो हाफमा आन्द्रे काम्बासियोले दोस्रो गोल गरे। सो समूहमा इटाली तीन अङ्क सहित तेस्रो स्थानमा छ। इटालीले दुई खेल मात्र खेलेको छ। नर्वे र इस्टोनियाले चार खेल खेलिसकेका छन् भने दोस्रो स्थानमा रहेको इजरायलले तीन खेलमा ६ अङ्क जोडेको हो।