काठमाडौं– भारत र पाकिस्तान युद्धविरामका लागि सहमत भएको पाकिस्तानका विदेशमन्त्री इशक दारले पुष्टि गरेका छन् । सामाजिक सञ्जाल एक्समा पोस्ट गर्दै पाकिस्तानका उपप्रधानमन्त्री समेत रहेका दारले दुई मुलुक युद्धविरामका लागि सहमत भएको पुष्टि गरेका हुन् ।

यसअघि अमेरिकी राष्ट्रपति डोनाल्ड ट्रम्पले अमेरिकी मध्यस्थतामा दुई मुलुक तत्काल लागू हुनेगरी पूर्ण युद्धविरामका लागि सहमत भएको घोषणा गरेका थिए । ट्रम्पले युद्धविरामको घोषणा गरेको केही समयलगत्तै विदेशमन्त्री दारले यसको पुष्टि गरेका हुन् ।

उनले सार्वभौमिकता र भौगोलिक अखण्डतामा कुनै असर नपर्नेगरी आफ्नो मुलुक पाकिस्तान जहिले पनि यस क्षेत्रमा शान्ति र सुरक्षाको पक्षमा रहेको समेत बताएका छन् ।

यसबारे भारतीय पक्षले पनि चाँडै मुख खोल्ने अपेक्षा गरिएको छ ।