काठमाडौं– अमेरिकी राष्ट्रपति डोनाल्ड ट्रम्पले भारत र पाकिस्तान तत्काल युद्धविराम गर्न सहमत भएको घोषणा गरेका छन् । आफ्नो सामाजिक सञ्जाल ट्रुथ सोसलमा पोस्ट गर्दै राष्ट्रपति ट्रम्पले दुई मुलुक तत्काल पूर्ण युद्धविराम गर्न तयार भएको घोषणा गरेका हुन् ।
यसबारे भारतीय र पाकिस्तानी पक्षले कुनै टिप्पणी गरिसकेका छैनन् ।
उनले सामाजिक सञ्जालमा लेखेका छन्, ‘अमेरिकाको मध्यस्थतामा राति लामो वार्तापछि भारत र पाकिस्तान तत्काल र पूर्ण युद्धविराम गर्न सहमत भएको घोषणा गर्दा मलाई खुशी मिलेको छ ।’
उनले दुबै मुलुकलाई कमन सेन्स र उच्च बुद्धिमत्ताको प्रयोग गरेकोमा बधाइ पनि दिएका छन् ।
प्रतिक्रिया