काठमाडौं– आइन्दा आफ्नो मुलुकमा हुने कुनै पनि आतंककारी आक्रमणलाई युद्ध मानिने भारतले चेतावनी दिएको छ । भारतीय समाचार संस्था एएनआईका भारतले अनुसार भविष्यमा आफ्नो भूमिमा हुने कुनै पनि आतंककारी आक्रमणलाई युद्ध मानेर सोही अनुसार जवाफ दिनेछ ।

भारतले लामो समयदेखि आफ्नो भूमिमा पाकिस्तानले आतंककारी गतिविधिलाई प्रोत्साहन गर्दै आएको आरोप लगाउने गरेको छ । गत अप्रिल २२ का दिन २६ जनाको ज्यान जानेगरी जम्मु कश्मीर राज्यमा भएको आतंककारी आक्रमणपछि भारतले पाकिस्तानविरुद्ध कारवाही गरिरहेको छ ।

जम्मु कश्मीरको पहलगाम क्षेत्रमा भएको उक्त आतंककारी आक्रमणमा एक जना नेपाली नागरिक सुदिप न्यौपानेसहित २६ पर्यटकको ज्यान गएको थियो । त्यसको जवाफस्वरुप भारतले पाकिस्तानी भूमिलाई लक्षित गरी आक्रमण गरेपछि दुई मुलुकबीच तनाव बढेर गएको छ ।