काठमाडौं– आम मानिसमा सूचना प्रविधिको पहुँचमा भएको विस्तारसँगै भुक्तानीमा सबैभन्दा धेरै मोबाइल बैंकिङको प्रयोग हुँदै गएको छ । नेपाल राष्ट्र बैंकको पछिल्लो तथ्यांकअनुसार चालु आर्थिक वर्षको फागुन महिनामा संख्यात्मक रूपमा सबैभन्दा धेरै मोबाइल बैंकिङको प्रयोग भएको छ ।

फागुन महिनामा प्रयोगकर्ताले दुई करोड ६७ लाख ५७ हजार १९४ पटक भुक्तानीका लागि मोबाइल बैंकिङ प्रयोग गरेका छन् । त्यस्तै, सो अवधिमा प्रयोगकर्ताले दोस्रो धेरै प्रयोग वालेटको दुई करोड ५९ लाख ८७ हजार ९८ पटक गरेका छन् ।

विगतको तुलनामा नेपाली प्रयोगकर्ताले वालेट, मोबाइल बैंकिङ, इन्टरनेट बैंकिङ, कनेक्ट आइपिएस जस्ता भुक्तानी प्रणालीलाई प्रयोग गर्दै गएको तथ्यांकले देखाएको छ ।