काठमाडौं– विद्यालय शिक्षा ऐन जारी गर्न माग राख्दै नेपाल शिक्षक महासंघले बिहीबार पनि काठमाडौंमा प्रदर्शन गरेको छ ।

सरकारले बोलाएको वार्ता अस्वीकार गर्दै महासंघले बिहीबार पनि काठमाडौंको बानेश्वर क्षेत्रमा प्रदर्शन गरेका हुन् ।  यस अघि आन्दोलन शान्तिपूर्ण रहँदै आएकोमा आज भने शिक्षकहरूले सडकका ३ वटै लेन कब्जा गर्न खोज्दा बानेश्वर क्षेत्रमा सवारी आवागमन प्रभावित भएका छन् । 

शिक्षकको प्रदर्शनले ३ लेन सडक बन्द भएपछि फसेको दुईपांग्रे सवारीलाई आफैले निकाल्न बाध्य भएका छन् । 

सरकारले विगतमा पटक–पटक गरेको सहमति र सम्झौताको कार्यान्वयन गर्दै शिक्षा ऐन जारी गरिनुपर्ने मागसहित शैक्षिक हडताल गर्दै शिक्षकहरू आन्दोलनरत छन् ।

तस्बिरहरू : नेपाल फोटो लाइब्रेरी