काठमाडौं– चालु आर्थिक वर्ष २०८१/०८२ को सात महिना अर्थात् माघ मसान्तसम्ममा ७ वटा प्रदेश सरकारहरूले ५१ अर्ब ९० करोड रुपैयाँ मात्र खर्च गरेका छन् । 

समीक्षा अवधिमा प्रदेश सरकारहरूको कुल खर्च ५१ अर्ब ९० करोड रुपैयाँ र स्रोत परिचालन १०१ अर्ब ८९ करोड रुपैयाँ रहेको सोमबार नेपाल राष्ट्र बैंकले सार्वजनिक गरेको देशको वर्तमान आर्थिक तथा वित्तीय स्थितिमा देखिएको छ । 

प्रदेश सरकारहरूको कुल स्रोत परिचालनमा नेपाल सरकारले हस्तान्तरण गरेको अनुदान र विभाज्य कोषबाट बाँडफाँट हुने राजस्वसमेत गरी ८० अर्ब ९४ करोड रुपैयाँ र प्रदेश सरकारहरूले परिचालन गरेको तथा अन्य स्रोतबाट प्राप्त राजस्व २० अर्ब ९५ करोड रुपैयाँ रहेको राष्ट्र बैंकले जनाएको छ ।