काठमाडौं – इङ्ग्लिस प्रिमियर सिपको आइतबार भएको खेलमा म्यानचेस्टर युनाइटेड र आर्सनलले १-१ गोलको बराबरी खेलेका छन्। सो खेलको पहिलो हाफमा आर्सनलले दबाब दिए पनि अग्रता भने युनाइटेडले लिएको थियो।

घरेलु मैदानमा भएको खेलको पहिलो हाफको इन्जुरी समयमा कप्तान ब्रुनो फर्नान्डेजले गोल गर्दै युनाइटेडलाई अग्रता दिलाएका थिए। उनले २६ यार्ड टाढाबाट फ्रिकिकमा गोल गरेका हुन्। ७४ औँ मिनेटमा स्टेफन राइसले आर्सनलका लागि गोल गरे।

बराबरीपछि शीर्ष स्थानमा रहेको लिभरपुल भन्दा १५ अंकपछि रहँदै आर्सनल दोस्रो स्थानमा छ। लिभरपुलको ७० तथा आर्सनलको ५५ अंक छ। युनाइटेड ३४ अंकसहित १४ औँ स्थानमा छ।

प्रिमियर सिपको आइतबार भएको अर्को खेलमा चेल्सीले लिसेस्टरलाई १-० ले हरायो। चेल्सीका लागि मार्क कुकुरेलाले ६० औँ मिनेटमा गोल गरे। अर्को खेलमा टोटनहाम हस्टस्पर्स र बोर्नमाउथले २-२ गोलको बराबरी खेलेका छन्।

जितपछि चेल्सी ४९ अंकसहित चौथो स्थानमा उक्लेको छ। लिसेस्टर भने १७ अंकसहित १९ औँ स्थानमा छ। बोर्नमाउथ ४४ अंकसहित आठौँ तथा टोटनहाम ३४ अंकसहित १३ औँ स्थानमा छन्।