काठमाडौं – गृहमन्त्री रमेश लेखक र नो केवलकार समूह बीचको छलफल भएकाे छ। छलफलमा नो केबलकार समूहले गृहमन्त्रीसँग आफू सहितको टोली सहभागी गराएर वार्ता गराउन भनेका थिए । तर गृहमन्त्रीले सरकारले आधिकारिक रूपमा वार्ता टोली बनाएकाले उनीहरुसँगै वार्ता गर्न सुझाव दिए ।

‘यहाँहरूले गृहमन्त्री भएन अथवा सरकारको पक्षबाट वार्ता गर्ने कोही भएन भनेर चित्त नदुखाउनुहोला ।’ गृहमन्त्री लेखकले भने, ‘यहाँहरूसँग आधिकारिक वार्ता गर्नका लागि नै त्यो टोली बनाइएको हो। केही पुगेको छैन भने त्यसमा अझै थपघट गर्न सकिन्छ तर गृहमन्त्री नै समावेश भएको अर्को वार्ता टोली बनाउन अहिलेसम्म छैन।’

वार्तामा नेपाल सरकारका तर्फबाट संयोजक तोकिएका गृहमन्त्रालयले सहसचिव प्रेमप्रसाद भट्टराई टोलि नै आधिकारिक वार्ता टोली भएको गृहमन्त्रीले आन्दोलनकारीलाई बताएका थिए ।

आन्दोलनकारीले केबलकार निमार्ण रोकेर पाथीभरालाई जस्तो अवस्थामा छ उस्तै छाडिदिन अडान कायम राखेका छन् । तर सरकार पक्ष मानेको छैन ।