काठमाडौं- नेकपा (एमाले)की उपाध्यक्ष अष्टलक्ष्मी शाक्यले वर्तमान अध्यक्ष केपी शर्मा ओलीले राजनीतिक महिला हिंसा गरेको बताएकी छन् ।

एघारौँ महाधिवेशन नजिकिँदै गर्दा मंगलबार आयोजित अन्तरसंवाद बोल्दै उपाध्यक्ष शाक्यले ओलीमाथि कडा आरोप लगाएकी हुन् ।

उपाध्यक्ष शाक्यले अध्यक्ष ओलीका कामबारे प्रश्न गर्नै नहुने प्रवृत्तिलाई गलत भनेकी छन् । ‘अध्यक्ष ओली आमाको कोखबाट जन्मेको हुन् कि होइनन् ?’, उनले अगाडि भनिन् ।

उनले देशभरका एमाले कार्यकर्ता अध्यक्ष ओलीका नभएर पार्टीका भएको पनि टिप्पणी गरिन् । त्यसैगरी अर्की नेतृ डा. बिन्दा पाण्डेले पुरुषले मात्रै दिने चलन हटाउँदै अब महिलाले पनि दिने चलन चाहिने बताइन् ।

उनले काठमाडौंमा भएको नवौँ महाधिवेशनमा पारित महिला हिंसासम्बन्धी प्रस्ताव कार्यान्वयन नभएको बताइन्। त्यसलाई ११औँ महाधिवेशनमा एजेन्डा बनाएर बहस गराउनुपर्ने बताइन् ।

अन्य नेतृहरूले एमाले बढेको राजनीतिक महिला हिंसा उन्मुलनका लागि सबैको साथ चाहिने पनि बताएका छन् ।