काठमाडौं– मंगलबार नेपाल स्टक एक्सचेञ्ज (नेप्से) ७.३९ अंकले बढेको छ । आज ३ अर्ब ७५ करोड ५० लाख २७ हजार रुपैयाँको कारोबार हुँदा नेप्से बढेर २६१४.०७ बिन्दुमा पुगेको हो ।
आज नेप्सेमा सुधार हुँदा १४८ वटा कम्पनीको सेयर मूल्य बढेको छ भने १०१ वटा कम्पनीको सेयर मूल्यमा गिरावट आएको छ । तर, आज ९ वटा कम्पनीको सेयर मूल्य भने स्थिर रह्यो ।
आज नेप्सेमा स्वस्तिक लघुवित्त वित्तीय संस्थाको सेयर बिक्री गर्नेले सबैभन्दा धेरै नाफा आर्जन गरे भने हिमस्टार उर्जा कम्पनीको सेयर बिक्री गर्नेले सबैभन्दा धेरै गुमाए ।
आज नेप्सेमा सुधार हुँदा बैंकिङ, लघुवित्त, निर्जीवन बिमा र व्यापार समूह बाहेक सबै समूहको उपसूचक हरियाली बनेको छ ।
प्रतिक्रिया