काठमाडौं– युवा तथा खेलकुद मन्त्रालयले खेलकुद क्षेत्रसँग सम्बन्धित नागरिकका गुनासोहरू सुन्न र समाधानका लागि गुनासो सुनुवाइ कक्ष स्थापना गरेको छ । मन्त्रालयले नागरिकका समस्या, सुझाव र गुनासोहरू प्रत्यक्ष रूपमा सम्बोधन गर्ने उद्देश्यका साथ यो व्यवस्था सुरु गरेको हो ।
मन्त्रालयका अनुसार युवा र खेलकुदसँग सम्बन्धित कुनै पनि प्रकारका गुनासो, सुझाव वा जानकारी सम्पर्क नम्बर ०१–४२००५४४, व्हाट्सएप नम्बर +९७७–९८५१४१०२४६ वा इमेल ठेगाना voice.moys@gmail.com मार्फत पठाउन सकिनेछ ।
मन्त्रालयले यस पहलले नागरिक र मन्त्रालयबीचको संवाद अझ सुदृढ हुने र समस्या समाधानमा प्रभावकारी सहयोग पुग्ने विश्वास लिएको छ।
प्रतिक्रिया