काठमाडौं– स्पेनिस ला लिगा फुटबलमा भिल्लारियलले स्प्यान्योललाई हराएको छ । गएराति भएको खेलमा स्प्यान्योललाई २–० गोलले हराउँदै भिल्लारियलले सहज जित निकालेको हो ।
भिल्लारियलका लागि जेरार्ड मोरेनो र अल्बेर्टो मोलेइरोले एक–एक गोल गरेका थिए । जेरार्र्डले ४३औँ मिनेटमा गोल गर्दै टोलीलाई सुरुवाती अग्रता दिलाएका थिए । त्यसपछि ५७औ मिनेटमा अल्बेर्टोले गोल गरेसँगै भिल्लारियल २–० गोलले विजयी भएको हो ।
यो जितसँगै भिल्लारियल १२ खेलबाट २६ अंकका साथ अंक तालिकाको दोस्रो स्थानमा उक्लिएको छ । पराजित भएको स्प्यान्योल समान खेलबाट १८ अंकसहित छैटौँ स्थानमा छ । पहिलो स्थानमा रहेको रियल मड्रिडको ३० अंक छ ।
प्रतिक्रिया