काठमाडौं – जेनजी आन्दोलनको समर्थनमा बिहीबार माइतीघरमा प्रदर्शन गर्न पुगेका डा. निकोलस भुसालले गाँजा सेवन गरेको तथ्य खुलेको छ। पक्राउ परेपछि उनको स्वास्थ्य परीक्षण गर्दा गाँजा सेवन गरेको खुलेको हो ।

जिल्ला प्रहरी परिसर काठमाडौंका एसपी प्रवक्ता पवन भट्टराईका अनुसार भुसाललाई सुधार केन्द्र ‘रिह्याव सेन्टरमा’ राख्ने सर्तमा परिवारको जिम्मा लगाउने तयारी भइरहेको छ ।

गत वर्ष पनि उनी गाँजा सेवन गरेको अवस्थामा पक्राउ परेका थिए । त्यसैले उनलाई उपचारका लागि पठाउने कानूनी व्यवस्थाअनुसार रिह्यावमा पठाउन लागिएको भट्टराई बताए ।

जेनजीमाथि धोका भएको भन्दै आज निकोलस माइतीघरमा आन्दोलन गर्न पुगेका थिए । केही समूहले आजको प्रदर्शन फिर्ता गरेको अवस्थामा माइतीघर क्षेत्रमा प्रदर्शन गर्न पुगेकाहरूलाई प्रहरीले पक्राउ गरेको थियो ।