काठमाडौँ – प्रधानमन्त्री केपी ओली अध्यक्षताको मन्त्रिपरिषद्‌ (क्याबिनेट) छाड्ने मन्त्रीको सङ्ख्या चार पुगेको छ ।

सोमबार भएको जेन-जी प्रदर्शनमा भएको निर्मम दमनपछि नागरिक आक्रोश बढ्दा तीन विभागीय मन्त्रीले राजीनामा दिइसकेका छन्‌ ।

गृहमन्त्री रमेश लेखकले हिजो बेलुकी नै राजीनामा दिएका थिए । कृषि तथा पशुपक्षी मन्त्री रामनाथ अधिकारी र खानेपानी मन्त्री प्रदीप यादवले आज राजीनामा घोषणा गरेका हुन्‌ । स्वास्थ्यमन्त्री प्रदीप पौडेलले पनि राजीनामा दिने बताइसकेका छन्‌ ।

प्रमुख सत्ताघटक नेपाली काङ्ग्रेसका नेता शेखर कोइरालाले आफ्ना पक्षका मन्त्रीहरूलाई राजीनामा दिन आग्रह गरिसकेका छन्‌ । महामन्त्री गगन थापाले पनि पार्टीले अब सरकारमा बसिरहने औचित्य सकिएको बताएका छन्‌ ।