काठमाडौँ – जेन-जी प्रदर्शनमा सोमबार सरकारले गरेको नृशंश दमनविरुद्ध मङ्गलबार देशभर भइरहेको आन्दोलन क्रममा मधेश र सुदूरपश्चिम प्रदेशको मुख्यमन्त्री कार्यालय निशानामा परेको छ ।
यी दुई प्रदेशका मुख्यमन्त्री कार्यालयमा प्रदर्शनकारी प्रवेश गरेका हुन् । जनकपुरधामस्थित मधेश प्रदेशको मुख्यमन्त्री कार्यालय र धनगढीस्थित सुदूरपश्चिम मुख्यमन्त्री कार्यालयमा ढुङ्गामुढा गर्दै प्रदर्शनकारी प्रवेश गरेका हुन् ।
यी दुबै प्रदेशका राजधानीमा मङ्गलबार बिहानैदेखि जेन-जी आन्दोलन चर्किएको छ । सोमबार भएको प्रदर्शनमा सरकारले निर्मम दमन गर्दा १९ प्रदर्शनकारी मारिएका थिए । घाइते सयौँ प्रदर्शनकारीहरू विभिन्न अस्पतालमा उपचाररत छन् ।
प्रतिक्रिया