काठमाडौं – नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’को ललितपुर खुमलटारस्थित निवास नजिकैको सुरक्षा बिटमा जेनजी पुस्ताका प्रदर्शनकारीले आगजनी गरेका छन्। मंगलबार साढे ९ बजेतिर प्रदर्शनकारीको एउटा समूहले आगजनी गरेको हो।
काठमाडौं बूढानीलकण्ठस्थित नेपाली कांग्रेसका सभापति शेरबहादुर देउवाको घर आसपासमा पनि प्रदर्शनकारी देखिएका छन्।
सोमबारदेखि भ्रष्टाचार र सामाजिक सञ्जाल बन्दको विरुद्धमा जेनजी पुस्ता राजधानी लगायत देशैभरी आन्दोलनमा उत्रिएका हुन्। जेनजी पुस्ताका प्रदर्शनकारीले सामाजिक सञ्जालमा राजनीतिक नेताको घर निशाना बनाउने अभिव्यक्ति दिएका छन्।
प्रतिक्रिया