काठमाडौं – नेपाल प्रिमियर लिग (एनपीएल) को मिनी अक्सनमा चर्चित अलराउण्डर आदिल आलमलाई काठमाडौं गोर्खाजले भित्र्याएको छ । सबै ८ वटै फ्रेन्चाइज टोलीले रु १५ लाखको अधिकतम मूल्यमा बोली लगाएपछि अन्ततः लक्की ड्रमार्फत काठमाडौं गोर्खाजले आफ्नो टोलीमा भित्र्याएको हो ।

अक्सनमा आदिलको प्रदर्शन र क्षमताप्रति सबै टोलीको चासो उच्च देखिएको थियो। अधिकतम मूल्यको सीमा समान भएकाले नियमअनुसार लक्की ड्र प्रक्रिया अपनाइएको हो। ड्रमा काठमाडौं गोर्खाजको नाम निस्किएपछि उनी टोलीको हिस्सा बनेका हुन्।

यसअघि विभिन्न घरेलु तथा अन्तर्राष्ट्रिय प्रतियोगितामा उत्कृष्ट प्रदर्शन गर्दै आएका आदिलले आगामी एनपीएलमा काठमाडौं गोर्खाजबाट खेल्ने भएका छन् ।

स्पट फिक्सिङ सम्बन्धी मुद्धाका कारण आदिलले अघिल्लो संस्करणको एनपीएल गुमाएका थिए ।